Takimi Lika – Zbogar: Implementimi i tërësishëm i Marrëveshjes së Ohrit dhe avancimi i mëtutjeshëm i saj, prioritete të qeverisë së re
 Zëvendëskryeministri  i Republikës së Maqedonisë përgjegjës për zbatimin e Marrëveshjes së Ohrit dhe sistem politik, z. Hazbi Lika, sot (11.07.2017) priti në takim Shefin e Delegacionit të Bashkimit Evropian në Republikën e Maqedonisë, z. Samuel Zbogar.


Gjatë realizimit të këtij takimi të parë mes zëvendëskryeministrit Lika dhe z. Zbogar, në fokus ishte implementimi dhe avancimi i mëtutjeshëm i Marrëveshjes së Ohrit.

Bashkëbiseduesit vlerësuan se çështja e ligjit të gjuhës është proces në realizim e sipër, miratimi i të cilit është garancë për implementimin dhe avancimin e shtyllave kyçe të Marrëveshjes së Ohrit. 

Zëvendëskryeministri Lika theksoi se problematika e sistematizimit të administratës shtetërore kërkon intervenim emergjent për të arritur një përfaqësim institucional të drejtë dhe shërbime të avancuara administrative, synim ky që pretendon të realizohet nëpërmjet planit të përbashkët strategjik me partnerët e koalicionit.

Së fundmi, z. Lika dhe z. Zbogar, konstatuan se divergjencat në mes komuniteteve duhet të tejkalohen dhe kështu të krijohet një klimë e theksuar bashkëpunimi pa dallime etnike, kulturore dhe fetare.                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                      

  Me respekt,

Sektori për marrëdhënie me opinionin





 

Tuesday, July 11, 2017  17:00    /    herλ i lexuar  87